Botoks, təxminən 20 ildir dünyanın müxtəlif yerlərində tibbi müalicələrdə istifadə edilməkdədir. Əvvəllər göz tənbəlliyi və çəpliyin əməliyyatsız həlli, bəzi boyun spazmlarının aradan qaldırılması kimi vəziyyətlərdə istifadə edilməkdə idi. Botoksun üz qırışıqlarını aradan qaldırmaq üçün istifadə edilməsinə isə 10 il əvvəl başlanmış və bu günə qədər milyonlarla adam botoksun bu təsirindən faydalanmışdır.
Üzümüzdəki ifadə xüsusiyyətini təmin edən bütün əzələlərə mimika əzələləri deyilir. Yəni qaşlarımızı çatmamızı, qaldırmamızı, gülməmizi, kədərli görünüşümüzü və bunlar kimi bir çox hərəkət üzümüzün ifadə xüsusiyyətini təmin edən hərəkətlərdir. Ancaq bu hərəkətlər birsıra kiçik əzələlər tərəfindən edilməkdədir. Bu əzələlərin işini təmin edənlər isə beynimizdən gələn sinirlərdir.
Zaman içində çox istifadə edilən bəzi mimika əzələlərinin olduqları bölgələrdə qırışıqlar meydana gəlir və gedərək dərin bir hal ala bilərlər. Mimika əzələlərinə bağlı olaraq meydana gələn qırışıqlara dinamik qırışıqlar deyilir.
Xanımlar hər yaşda gözəl görsənməyə çalışırlar və bu qırışıqlar onları narahat edir və onlar "botoks"a müraciət edir.
Botoks, Clostridium Botulismus deyilən mikro orqanizmin çıxardığı, botulinum toksinindən əldə edilən və bu gün estetik sahədə geniş şəkildə istifadə edilən kimyəvi bir maddədir.
Bu toksin təsir etdiyi yerdəki sinirləri iflicə uğradır.Toksinin bu xüsusiyyətindən faydalanılaraq üzdəki mimika əzələlərinə bağlı olaraq ortaya çıxan qırışıqlar keçici bir müddət üçün yox edilə bilir.Botoksun təsiti 6 aya qədər davam edir.
Botoks iynə vasitəsilə lazım olan nahiyəyə yeridilir.Süni və ya təbii gellərdən istifadə olunur.Təbii geldən istifadə etmək məsləhətdir.Süni gellərin yaratdığı fəsadları bəzən cərrahi yolla da aradan qaldırmaq mümkün olmur.
Bəzi xanımlarda botoks etdirmək xəstəlik halına çevrilib.Xanımlar bilməlidirlər ki,dəfələrlə edilən botoks sonda çox pis nəticələr verə bilər.
Sonda bir daha yazmaq istəyirəm ki, Botoks mimika əzələlərini iflic edərək qırışıqlıqları yox edir.
