En dözülmez ağrılara, acılara tab edirem,
Şeytandan ümid umuram, iblise xitab edirem,
Üreyimin al qanını dönderib şerab edirem,
Başıma çekib içirem seni unutmaqdan ötrü,
Arzumu kesib biçirem seni unutmaqdan ötrü...

Röyalara meyl edirem belke yadımdan çıxasan,
Gözlerimi qırpan teki görürem mene baxırsan...
Sen heqiqetin özüsen, ya xeyalısan, yuxusan,
Öz-özümle döyüşürem seni unutmaqdanötrü,
Qabıq verib deyişirem seni unutmaqdan ötrü...

Köküsümü cırıb açıram ayrılığın küleyine,
Bütün keçmiş-keçenleri xelbirleyib eleyirem,
Qaşıq-qaşıq istiotu enderirem xöreyime,
Acı-acı gülüşürem seni unutmaqdan ötrü,
Hicran ile öpüşürem seni unutmaqdan ötrü...

Ay ile hemfikir oluram uzun-uzun güceleri,
Gündüzleri sağa-sola hey ölçürem küçeleri,
Otağımda gizlenirem sındırırsan penceremi,
Ünvanımı deyişirem seni unutmaqdan ötrü,
Daha ne yollar düşünüm seni unutmaqdan ötrü?..

Çözelenir xatireler, könlüm, ruhum qübarlanır,
Tarım durur eseblerim, enir, qalxır damarlarım,
Su verirem meynelere, mıx vururuam divarlara,
Zülmet quyuya düşürem seni unutmaqdan ötrü,
Sinemi söküb deşirem seni unutmaqdan ötrü...

İş olmayan yerde bele özüme iş gördürürem,
Qışda qar temizleyirem, yayda milçek öldürürem,
Bütün sek-reqibleri öz üstüme güldürürem,
Hey haldan-hala düşürem seni unutmaqdan ötrü,
Üreyimle ötüşürem seni unutmaqdan ötrü...

Senden özge ne vurğunam, ne möhtacam kime ise,
Senden qeyri olmasa da ehtiyacam kime ise,
İsteyirem üreyimi qesden açım kime ise,
Yalandan eşqe düşürem seni unutmaqdan ötrü,
Meleklerle "görüşürem" seni unutmaqdan ötrü...

Gözümden çetin gedesen gözüme qor dolmayınca,
Canımdan çetin çıxasan canım rahat olmayınca,
Son ümidim, son penahım o dünyaya qalıb ancaq,
Bu dünyamı deyişirem seni unutmaqdan ötrü,
Ölüme elçi düşürem seni unutmaqdan ötrü...

»CABİR NOVRUZ
»Şeirler
»Eserler ve Edebiyyat Gecesi
»Oxu zalına keç