Azərbaycanda 1 manatlıq sikkələrə keçməyin vaxtı çoxdan çatıb”. Bunu iqtisadçı ekspert Samir Əliyev Mərkəzi bankın 1 manatlıq sikkələr (metal pullar) buraxılması məsələsini nəzərdən keçirməsi ilə bağlı xəbəri şərh edərək öz “Facebook” səhifəsində yazıb.

İqtisadçı ekspert qeyd edib: “Hökumət 2008-ci ildən başlayaraq bu addımı atmalı idi. Çünki bütün dünyada sınaqdan çıxmış təcrübədir ki, dəmir pulların ömrü kağız pullarla müqayisədə dəfələrlə çox olur. Acı həqiqətdir ki, vətəndaşlarımızda puldan istifadə mədəniyyəti hələ də tam formalaşmayıb. Kağız pulları pul qablarında saxlamaq əvəzinə cibdə səliqəsiz şəkildə saxlayırlar. Mən hələ şəhər nəqliyyatında 1 manatlıq əskinaslar dürmək şəklində büküb avtobusun müxtəlif yerlərinə soxuşdurmaqlarını demirəm. Nəticədə düzgün istifadə olunmayan kağız pullar cırılmağa, əzilməyə, yuyulmağa məruz qalır”.

Ekspert Mərkəzi Bankın sikkələrə keçidə start verməli olduğunu yazır: “Əks halda tez-tez manatlıqlar çap etdirməli olacaq. Bir qanuna