Het-triksiz, pokersiz ne çempionat?
Premyer Liqanın başa çatan I dövresinde 142 qol vurulub. Klublarımız cari mövsümün baş tutan 65 oyununda bu qeder reqib qapısına yol tapıb.
Eslinde, I dövrede 66 oyun olub. Sadece, III turda "İnter" - "Bakı" matçı başa çatdırılmayıb. Çünki ev sahibleri "Şefa" stadionundakı görüşün son deqiqelerinde meydanı terk etdiler ve AFFA-nın İntizam Komitesi buna göre onlara 0:3 hesablı texniki meğlubiyyet verdi. Bu üzden qeyde alınan 145 qoldan üçünü çıxmaq lazımdır. Her halda, bu qollar oyunda vurulmayıb.
Orta mehsuldarlığa nezer salsaq, her oyuna 2,2 qol düşdüyünü görerik. Bu, pis gösterici olmasa da, futbolçuların özlerinin mehsuldarlığı yeterince deyil. Her halda, I dövrede dubllar olsa da, neinki penta-trik, poker, hetta het-trik qeyde alınmayıb. Bundan elave, bombardirler yarışına başçılıq eden "Turan"ın ukraynalı legioneri Sergey Artyux 5 qol vurub ki, bu da çox deyil. Özü de ölkemizde önce "Simurq"da oynayan legioner qollardan ikisine penaltiden imza atıb.
Komandaların vurduğu qolların sayı turnir cedvelindeki ümumi sıralamaya uyğun gelir. Yeni 1-ci yerde olan "Xezer Lenkeran" en çox (17), sonda geden "Sumqayıt Şeher" en az (5) qol vurub. "Kepez" I dövreni 8-ci yerde bitirse de, mehsuldarlığı diqqet çekir - 15 qol. Gence klubu bu planda onun qeder ferqlenen "Qarabağ"la 2-3-cü pilleni bölüşdürür.
En az qol buraxanlara nezer salsaq, "Xezer Lenkeran"la "İnter"in şerik olduğunu (her ikisi 7) görerik. Ancaq evvel qeyd etdiyimiz kimi, "İnter"e texniki meğlubiyyet verildiyinden, hemin 3 qolu buraxmayıb. Yeni "bankirler" 4 top buraxaraq, en yaxşı göstericiye malikdir. Sumqayıt temsilçisi ise çox qol (15) buraxsa da, bu, en pis gösterici deyil. Bu baxımdan sonuncu "Sumqayıt Şeher"i 1 pille qabaqlayan AZAL-dır (16 qol).
Qeyd edek ki, I dövrenin en mehsuldar oyunu VI turda Zaqatalada olub. "Simurq" - "Kepez" (4:2) matçında azarkeşler 6 qolun şahidi ola bilibler.
