"Xezer Lenkeran"ın seriyası 303 günden sonra qırıldı
Futbol üzre Unibank Premyer Liqasının X turunda "Xezer Lenkeran"ın uğurlu seriyalarının biri qırılıb. Lenkeran komandası Azerbaycan çempionatlarında 21 matçdan sonra 1 oyunda qapısından 2 top buraxıb.
"Ağ-yaşıllar" üçün 2 ve ya daha çox top buraxma halına sonuncu defe öten il dekabrın 22-de tesadüf olunub. Lenkerana qonaq qisminde gelen "Qarabağ" 2:1 hesabı ile qalib geldikden sonra heç kim baş meşqçi Mirça Rednikin komandasına 1-den artıq qol vurmurdu. "Bakı" ile matçda ise bu seriyaya son qoyulub. 303 gün erzinde baş tutan 21 çempionat matçında 8 defe qapısını toxunulmaz saxlayan "Xezer Lenkeran" diger 13 görüşün heresinde 1 top buraxmışdı.
Qeyd edek ki, Mirça Rednikin rehberliyi altında keçirilen 42 çempionat oyununda cemi 3-cü defedir 1-den artıq qol buraxılır. "Bakı" ve "Qarabağ"dan başqa "Gence" ile sefer oyununda bele hal qeyde alınmışdı - 1:4.
