Yene de ruhumu gezdi bir duyğu...
Götür albomunu, men deyim, sen yaz!
Bizim dünyamızda günah deyil bu -
Seninle üz-üze danışsaq bir az.
Götür albomunu, men deyim, sen yaz!
Geceler yalnızam men yatağımda,
Bilirem yalnızsan helelik sen de.
Xeyalım dağılır yeller esende,
Dalıb düşünürken öz otağımda,
Geceler yalnızam men yatağımda.
Söyle, tebiete uyğunmu, sence
Keçdiyim yollarda qalmasın bir iz?..
Özünü anlayıb, duyan bir gence
Gülüncdür bu başısoyuqluq şeksiz;
Keçdiyim yollarda qalmasın bir iz?..
Bax, meni incidir, ağrıdır bezen
Her axşam bir evde qonaq qalmağım:
Renginde ölümün kölgesi gezen
Şübheli qızlardan adres almağım;
Her axşam bir evde qonaq qalmağım...
Bağışla, sevgilim, açıq söyledim!
Gizli nöqtelere el aparma sen.
Sorma o qızları, sorma neyledim.
Heyatın içi üzü örtünür bezen.
Gizli nöqtelere el aparma sen...
