Kriminal alemin meşhur simalarından olan Rövşen Lenkeranskinin (Canıyev) Bakıda olması haqda informasiya derc etmişdik. Sözügeden meqalede kriminal avtoritetin Azerbaycana növbeti doğum gününü qeyd etmeye geldiyini ve bundan sonra ise hüquq-mühafize orqanlarınin onu axtarışına başladığını qeyd etmişdik.
Qeyd etmişdik ki, onun gelişinde başqa meqsedlerin ola bileceyinden ehtiyatlanan hüquq-mühafize orqanları “qanuni oğrunu” yaxalamaq üçün herekete keçib.
Bu gün elde etdiyimiz informasiyada ise bildirilir ki, hüquq-mühafize orqanlarının axtarışları nehayet ki, öz neticesini verib ve Rövşen Lenkeranskini ele keçirmek mümkün olub.
Bele ki, dünen xalq arasında «Milyonerler mehllesi» kimi tanınan («Genclik» metrostansiyasının yaxınlığı-red) erazide reyd keçirilib. Melumat üçün bildirek ki, hem Rövşen Lenkeranskinin, hem de onun gömrük polkovniki olan qardaşı Namiq Canıyevin evleri hemin erazidedir.
AzNews.az-ı melumatlandıran menbenin sözlerine göre, dünen günorta saatlarında Müteşekkil Cinayetkarlıqla Mübarize İdaresinin emekdaşları hemin erazide emeliyyat keçiribler ve Rövşen Lenkeranskini hebs etmek mümkün olub.
Elde etdiyimiz informasiyada bildirilir ki, Müteşekkil Cinayetkarlıqla Mübarize İdaresinin reisi Mirqafar Seyidov texminen iki saat Rövşenle öz kabinetinde söhbet edib.
Daha sonra ise «yuxarı»dan kimse reise zeng edib ve bundan sonra polisler Rövşeni getirdikleri kimi de geri qaytarıblar.
