Kriminal alemde Lotu Quli kimi tanınan Nadir Selifov ve Rövşen Lenkeranskinin (Canıyev) terefdarları arasında nüfuz savaşı yene de qızışıb.
Menbenin melumatına göre, dünen bununla bağlı Kürdexanı istintaq tecridxanasında növbeti qanlı toqquşma baş verib. Lotu Qulinin terefdarları ile Rövşen Lenkeranskinin adamları arasında baş veren toqquşma Kürdexanıda fövqelade veziyyet yaradıb. Savaşın qarşısını almaq üçün istintaq tecridxanasına polis qüvvelerinin yeridildiyi bildirilir.
Qeyd edek ki, kriminal alemdeki bu toqquşmanın “episentri” nedense hemişe Kürdexanı tecridxanası olur. Bu barede izahat veren menbenin sözlerine göre, sebeb tecridxananın neytral erazi olması, saxlanılanların hele hebs edilib-edilmeyeceyinin bilinmemesi, bura yatab ve köçürmelerin aparılmasının mümkünsüzlüyüdür.
“Hebsxanalardan ferqli olaraq, istintaq tecridxanasında veziyyet başqa cürdür ve burada tez-tez deyişen terkib münasibetleri sona qeder aydınlaşdırmağa imkan vermir. Ona göre de en qaynar meqam Kürdexanı tecridxanasıdır”.
Menbe yaralananlar ve teferrüatla bağlı geniş melumat vermese de, hazırda Kürdexanıda fövqelade veziyyet olduğunu ve nezaretçilerin güclendirilmiş iş rejiminde çalışdıqlarını söyledi. Edliyye polisleri tez-tez baş veren bu toqquşmaların nezaretden çıxmasından çox narahatdır.
Xatırladaq ki, bir neçe gün önce Kürdexanı tecridxanasında kütlevi bıçaqlanma hadisesi ile bağlı melumat yayılmışdı. Bildirilirdi ki, Lotu Qulinin terefdarları Rövşen Lenkeranskinin adamlarına yüngül xesaret yetirmekle “obşak”a nezaretin deyişmesi xeberdarlığını edibler. Hetta Rövşen Lenkeranskinin “qanuni oğru” adından mehrum edilmesi ve bu işin “Qoca” leqebli “oğru”nun teşebbüsü ile heyata keçirildiyi bildirilirdi.
