Taleyim yarpaq kimi elinde küleklerin,
Bu sevda denizinde bir yelkensiz gemiyem.
Soruşma ki neceyem, nece keçir günlerim,
Yaşayıram birteher, görmediyin kimiyem...
Bilmediyin kimiyem...gel ki biraz derdleşek,
Yene evvelki kimi qopaq bu yer üzünden.
Peşmanlıqlar tökülsün gözlerinden yuxu tek,
Men de şikayet edim sene sensizliyimden.
Qoy kenardan baxanlar deli desinler mene,
Sevincimden gah bir az gülüm, bir az ağlayım.
Uşaq kimi qısılım, baş söykeyib sinene,
Burnumu köyneyine silim, bir az ağlayım
Hesretinden her gece damla-damla eridim
gün altında qar kimi...
taleyle barışmışam.
Adını söylemekden ne fayda var?Kiridim...
Her şey bir yana qalsın,sesinçün darıxmışam...
Ötüb keçdi o günler, çetin ki geri döner,
Burdan- bura ne qalıb daha ömrün qışına?
Yeniden tezelener köhnelmiş xatireler
Unutdun sandıqların qefil çıxsa qarşına...
Soruşma ki neceyem, nece keçir günlerim,
yaşayıram birteher, görmediyin kimiyem
Taleyim yarpaq kimi elinde küleklerin,
Bu sevda denizinde bir yelkensiz gemiyem...
