Sen bu xezan çağımda gelib qarşıma çıxan
Nahaq salıb taleyin meni senin yadına.
Men kül altda köz kimi hezin- hezin darıxan,
Daş da olsa dayanmaz bu ateşin oduna...
Eriyimmi? Bilmirem...
Meni mene sevdiren sen imişsen heç deme,
Vaxt olur özümden de küsürem, yadlaşıram.
Ellerimin yaddaşı zülm eleyir qelbime,
Gözlerine benzeyen göz görende çaşıram../
Kiriyimmi? Bilmirem...
Men öz boyundan uca hasarlar hören adam,
Men ki özü- özüne mehbes tiken biriyem.
O mehrem duyğulara çoxdan ögeyem, yadam,
Yeriyen başdaşıyam, ne olsun ki diriyem?..
Diriyemmi? Bilmirem...
İndi daha üreyim boz ümidler meskeni,
Herden açıb silirem his-tozunu, pasını.
Qoymadım ayaq basa senden sonra kimseni,
Gör ne vaxtdı qar alıb qelbimin qapısını...
Kürüyümmü? Bilmirem...
Daş da olsa dayanmaz bu ateşin oduna,
Men kül altda köz kimi hezin-hezin darıxan.
Nahaq salıb taleyin meni senin yadına,
Saxlama, burax gedim, çekil sen de yolumdan..
Yeriyimmi? Bilmirem...
Xatire Xatun
