Getdikcә cәsarәtsizlәşirәm yoxsa ümidlәrim tükәnir bilmirәm. Tәqvim dәyişir. Amma hisslәr dәyişmir. Bir ildә neçә gün var hәr kәs bilir, amma sәnsiz günlәrdә neçә illәrim keçdi kimsә bundan xәbәrsiz. Üz üzә dayanmışıq, kilometrlәrlә mәsafәdә. Kәlimәlәri seçmәkdә әn son nә zaman bu qәdәr aciz olmuşam bilmirәm. Yaşanmamışları tәk bir gülüşünә hәdiyyә edirәm. "Gәl"mәni istәyirәm. Gecәnin әn uyğunsuz saatında yuxundan oyanıb çöldә qar yağdığını da unudub tәk pencәyi çiyninә atıb "gәl" mәni istәyirәm. Qarda izlәrin görünsün istәyirәm. Yox, yox әslindә mәn getmәni daha çox istәyirәm. Özündәn gedib mәnә "gәl" mәni istәyirәm. Vallah yükün dә ağır olmasın, pencәyin, bir dә donmuş әllәrin olsun yetәr. Ayaqyalın görüşünә qaçmaq istәyirәm. İlıq nәfәsinin havadakı buxarını tәsәvvür edirәm. Mәn, xәyalımda dodaqlarının buzunu әridirәm. Heçnә demәdәn gәl istәyirәm. Bir sabah qapımı döy, olmadı salamını yaz. "Gәl" istәyirәm. Dodaqlarını unut, mәn gözlәrimdәki әksindә tәbәssümünü istәyirәm. Sәnә yaza bilmirәm, sәn yaz istәyirәm... Özüm üçün heçnә dilәmirәm mәn. Mәn, mәndәki sәni sәnә geri qaytarmaq istәyirәm. Bәxtim gәtirәcәk mi bilmirәm amma bu ildәn "sәn"i gәtirmәsini istәyirәm.
