canim.az
10 ildir sizinlə nəfəs alırıq.
DOMINO 101 oyunu (yeni)
Canlı Duraka oyunu (7 nefer)
Ana sehife |
Sayta Daxil Olun!
İstifadeçi Adı ve ya ID:

Şifre:

Meni xatırla | Qeydiyyatdan keç
facebook
Şifreni unutdun?
Gündelikler | Alekse məktub
Hi, Alex! İ love you! İt is a pen. Bağışla sənin dilində öyrənə bildiklərim bunlardır.Bildiyin kimi yayda Bakıya gələcəksiniz, avropa qoyunları ilə əlaqədar.Gözümüz üstə yeriniz var! Tək səni yox, bütün avropalıları səbirsizliklə gözləyirik.İnanın o qədər həyəcanlıyıq ki, hətta hər dəfə vaxta baxırıq, “ay allah, harda qaldı bunlar?” deməkdən mazgi olmuşuq.Azneftdə saat da quraşdırmışıq, saniyələri sayırıq ki, gələsiniz! Sizə görə döyünür ürəyimiz! Təki gəlib burda yeyəsiniz, içəsiniz.Bütün xərcləriniz bizlikdir, hətta gedəndə evdəki uşaqlarınıza, qohumlarınıza, bütün varyoxunuza da əyin-baş alıb yola salacağıq! Təki gəlin! Adama nə lazımdı axı? Vallah, mən heç velosiped sürməyə yer tapmıram, ancaq sizin üçün şəhərin mərkəzində, xüsusi ərazilərdə yerlər ayrılacaq.Gəlməsəniz inciyərik.Sizə görə biz dolları qaldırdıq, bura gəldiyiniz zaman sıxıntı çəkməyəsiniz! Dolları manata çevirib kef edəsiniz.Ancaq bacardıqca imkan vermərik ki, əlinizi cibinizə atasınız.Yay ayı olduğu üçün həmin ərəfədə mən və mənim kimi neçə-neçə insan rayona, kəndə gedəcək ki, şəhər basdırıq olmasın.İstəsən öz evimin açarını sənə verim, gəl bizdə qal.Açarı qapının altındakı “Wellcome” yazısının altında gizlədəcəm, ordan götürərsən.Bütün avropalı dostlarına da denən, mütləq gəlsinlər. Sizin üçün əzrayılla danışıqlara girmişik ki, ölüm ayağında olan qohum-əqraba həmin tarixlərdə ölməsin. Toyları olanlar da təxirə salacaq, neçə il sevgili qalan, nişanlı qalan adam üçün yəqin ki, bir ay da gözləmək problem olmaz.Adama deyərlər qızmısan, bala? Fransıza, İspana, Yunana, hətta erməniyə də denən, gəlsin.Nə olsun düşmənik?! Nə olsun ki, Qarabağı alıblar?! İndi işdi da, olub-olub...kişinin başına belə iş gəlməz...Bizə yaraşmaz axı qıjılıq edək, kin saxlayaq! Ermənilərə denən qorxmasınlar, gəlsinlər, təhlükəsizlikdən əmin olsunlar.Heç bir köpək oğlu onlara nəsə edə bilməz, həm bu dəqiqə camaatın başı qarnına qarışıb, kimdi axı ermənini dərd eləsin?! Çox xoşunuza gələcək, gəlin əylənin, kef edin.Sizin üçün xüsusi yer də ayrılıb, hər şəraiti var.Öz cavanlarımıza o evləri vermirik, hansı ki ailə qurmağa imkanı yoxdu.Ancaq sizə canımız da qurbandı, malımız da...Çox maraqlı sürprizlərimiz də olacaq.Nəyi var əylənəcəksiniz...Yorğun yarış günündən sonra kababdan yeyib baseyndə yerli qızlarımızla gözəl gecə keçirmək sizi valeh edəcək...Təki siz gəlin...Sizə pulsuz xidmət etmək üçün nə qədər könüllü gənclərimiz, cavanlarımız yığılıb...Valla, bugün Qarabağı azad etmək üçün könüllü gənclərə ehtiyac olsa heç bu qədər adam yığılmaz...Tak şto, naz eləməyin, gəlin...
Onlayn Tanışlıq: 188 / 73