canim.az
10 ildir sizinlə nəfəs alırıq.
Canlı Duraka oyunu (4 nefer)
DOMINO 101 oyunu (test rejimi)
Ana sehife |
Sayta Daxil Olun!
İstifadeçi Adı ve ya ID:

Şifre:

Meni xatırla | Qeydiyyatdan keç
facebook
Şifreni unutdun?
Gündelikler | Foktsun qedrini sonra bilecekler hele tezdi
Cümə xeyirli gündür, deyirlər. Srağagün səhəri
hər birimiz Foqtsun yığmamızdan ayrılması
xəbəri ilə açdıq.
Çoxları bunu toy-bayrama çevirdi. Zaman
Foqtsun gedişinin bayram olub-olmadığını
göstərəcək. Hər halda, “3 aydan sonra
Foqtsun ölənlərinə rəhmət rəhmət
oxuyacaqsız” deyənlərin də sayı az deyil. AFFA
rəhbərliyi daim Foqtsun tərəfində olub.
Olmalıdırlar da. Təbii ki, onların da öz
arqumentləri var. Foqts dünya futbolunda iz
qoymuş birisidir. Yığmamızda hansı nəticəni
göstərməsindən asılı olmayaraq, bunu danmaq
olmaz. Faktdır ki, komandamız hansı xarici
ölkəyə gedibsə, orada yerli publikanı
maraqlandıran ilk şəxs məhz alman olub.
Bildiyim qədər ilə Foqts özü də sonuncu dəfə
müqaviləsinin uzadılmasını istəməyib. Amma
yekunda razılaşıb. İcraiyyə Komitəsinin 11
üzvündən 11-i də ona yekdilliklə səs verib. Elə
AFFA rəhbərliyi Foqtsun yola salınması
mərasimini də yaxşı təşkil etdi. Almana
“qovuldu” damğası vurulmadı. AFFA-nın rəsmi
saytında yer alan açıqlamada da deyilir ki,
Rövnəq Abdullayev Foqtsu fikrindən
daşındırmağa çalışsa da, alman sözündən
dönməyib. Uzun sözün qısası, yığmada çalışan
ən uzunmüddətli mütəxəssis olan Foqtsun
erası başa çatdı. Millinin isə müvəqqəti olaraq
Mahmud Qurbanova tapşırıldığı bəlli oldu. Bu,
gözlənilən qərar idi. Çünki, yığma komanda klub
deyil və burada baş məşqçi seçimi heç də qısa
müddətdə reallaşmır. Komandanı Norveçlə
noyabrdakı matça məhz “professor”
çıxaracaq. Ondan sonra isə ilin sonunda, ən pis
halda gələn il yanvarının əvvəlində yeni baş
məşqçinin adı bəlli olacaq. Çoxları Qurban
Qurbanovun, Böyükağa Hacıyev və ya Kaxaber
Sxadadzenin bu postu tutacağını iddia
etsələr də, reallıq tam başqadır. Elə Mahmud
Qurbanovun müvəqqəti olaraq komandanın
başına keçməsi də buna bariz nümunədir. AFFA
yenə də yığmanı əcnəbi mütəxəssisə
tapşıracaq və həmin şəxs ən azı Berti Foqts
qədər tanınmış olacaq. Haşiyəyə çıxaraq,
“İnter” – “Simurq” matçı zamanı stadionda
diqqətimi çəkən bir məqamı bölüşmək
istəyirəm. Azərbaycan xalqı “kreslo”ya böyük
önəm verəndir. Hansısa bir şəxs vəzifəyə təyin
olunursa, daim ətrafında xeyli insan olur. Vay
o günə ki kreslon əldən gedə... Buna kimi
dəfələrlə stadionda qarşılaşdığım Mahmud
Qurbanova diqqət dünən tam fərqli idi. Bu
dəfə hər kəs onunla salamlaşmağa, təbrik
etməyə tələsirdi. 90 dəqiqə boyunca
Qurbanovu futbola rahat baxmağa qoymadılar.
Vəzifə belə şeydi... Yığma mövzusuna
qayıdaraq qeyd edim ki, bu gün futbolumuzun
vəziyyəti ürəkaçan durumda deyil. Açıq-aşkar
ölkədə səviyyəli futbolçu qıtlığı var. Odur ki,
yığmanı kim çalışdırır, çalışdırsın, bu gün
ondan böyük uğurlar gözləməyə dəyməz. AFFA
rəhbərliyi də gözəl bilir ki, “məqsədimiz qrupda
üçüncü olmaqdır” fikri yalnız quru iddiadır.
Qurban Qurbanov, Böyükağa Hacıyev, Kaxaber
Sxadadze – hər biri bacarıqlı və özünü sübut
etmiş məşqçilərdi. Amma bu gün yığmaya onlar
da uğur qazanadıra bilməz. Səbəbi keyfiyyətli
yerli futbolçuların azlığıdır. Adını çəkdiyim hər
3 mütəxəssis klubda uğur qazanıb. Gəlin
diqqət yetirək. Böyükağa Hacıyevin
“Neftçi”sini Avroliqaya kim daşıdı? Saşa
Stamenkoviç, Bruno Bertuççi, İqor Mitreski,
Erik Ramos, Flavinyo, Nikolas Kanales, Julius
Vobay. Düzdür, “ağ-qaralar”ın qazandığı
uğurda Mahir Şükürov, Rəşad Sadiqov, Cavid
İmamverdiyev kimi yerlilərin də az rolu
olmayıb. Amma göründüyü kimi, o zaman
“Neftçi”nin əsasını əcnəbilər təşkil edirdi. Bu
gün də eyni sözləri “Qarabağ” haqda demək
mümkündür. İbrahim Şehiç, Ansi Aqolli, Admir
Telli, Çumbinyo, Riçard Almeyda, Muarem
Muarem, Reynaldo, Leroy Corc, üstəgəl Rəşad
Sadıqov, Maksim Medvedyev, Qara Qarayev,
Vüqar Nadirov və başqaları. Elə Kaxaber
Sxadadze də Avroliqa matçlarında əsasən
gəlmələrə güvənir. Avrokubok matçında
“bankirlər”in tək-tük yerli futbolçusu meydana
çıxır. Təbii ki, buna görə heç kim gürcü
mütəxəssisi qınaya bilməz. Həm Qurbanov, həm
Hacıyev, həm də Sxadadze də gözəl anlayır ki,
azərbaycanlı futbolçularla avrokuboklarda
ciddi uğur qazanmaq qeyri-mümkündür. Odur
ki, gəlin özümüzü aldatmayaq. Baş məşqçi
əvəzetməsi heç nəyi dəyişməyəcək. Ən yaxşı
halda qrupda 9 deyil, 11 xal yığacağıq.
Xorvatiyaya 0:6 deyil, 1:3 hesabı ilə
uduzacağıq. Uğur qazanmaq üçün yeni futbolçu
nəsli yetişməlidir. Bunu isə nə milli komandanın
baş məşqçisi edir, nə AFFA prezidenti ilə baş
katib.
Onlayn Tanışlıq: 159 / 70