canim.az
10 ildir sizinlə nəfəs alırıq.
Canlı Duraka oyunu (7 nefer)
DOMINO 101 oyunu (test rejimi)
Ana sehife |
Sayta Daxil Olun!
İstifadeçi Adı ve ya ID:

Şifre:

Meni xatırla | Qeydiyyatdan keç
facebook
Şifreni unutdun?
Gündelikler | fikrimce Foksun azerbaycan millisinde qalmasina sebebler var
Azərbaycan millisinin baş məşqçisi məsələsinə böyük ölçüdə aydınlıq gəlib. Apasport.az saytının məlumatına görə, 2008-ci ilin martından yığmamıza rəhbərlik edən Berti Foqts daha 2 il postunda qalacaq.

Belə ki, AFFA rəhbərliyi 67 yaşlı almaniyalı mütəxəssislə müqavilənin müddətini uzatmaqda maraqlıdı. Foqtsun postunda qalması dekabrın 18-də baş tutacaq İcraiyyə Komitəsinin iclasında rəsmiləşəcək.

Almaniya yığması ilə həm futbolçu, həm məşqçi kimi Avropa çempionu olan, oyunçu karyerasında dünya çempionluğu və bir çox titullar qazanan tanınmış mütəxəssisin qalacağı hələ xeyli əvvəldən gözlənilən idi. Çünki Foqts Azərbaycan yığmasında heç kimin bacarmadığı nailiyyətlərə imza atıb. Başqa ölkələrlə deyil, millimizin dünəni ilə müqayisədə yeni tarixlər yazan çalışdırıcının başqası ilə əvəzlənməsi, əslində, səhv addım olardı.

Onun yığmamızda qalmasında böyük rolu olan rekordlarının bəzilərini yada salmaq olar. Hamıdan çox – 3 seçmə mərhələdə iş başında olan Foqtsun rəhbərliyi altında 30 qarşılaşmada 4 qələbə qazanan millimiz 9 heç-heçə edib və 17 dəfə uduzub. 21 qol vurub, 51-ni buraxan komandamız əvvəllər heç buna da nail ola bilməyib.

Gəldiyi ilk gündən rekordları hədəfləyən çalışdırıcı DÇ-2010-un seçmə mərhələsində 5 xal toplamaqla, milli rekorda imza atdı. Düzdür, bundan əvvəlki rekord da 5-ə bərabər idi. Lakin həmin vaxt 12 görüşdə bu qədər xal sevinci yaşanmışdı. Növbəti 2 seçmə tsikldə isə Foqts rekordunu yaxşılaşdırıb əvvəl 7-yə, sonra 9-a çatdı. Bu inkişaf tempi növbəti mərhələdə 11 xal vəd edir.

Lakin Foqts artıq neçə vaxtdır Avro-2016-ya vəsiqə vəd edib. Fikrimizcə, oun seçmə mərhələ ərəfəsində dəyişdirilməsi düzgün olmazdı. Ən azı ona şans verib, dediyinin nə dərəcədə gerçəkləşməsini gözləmək lazımdır. Hər halda, yığmamızın tarixində heç bir məşqçi final mərhələsinə vəsiqə söz vermək iddiasında olmayıb. İddiasızları öz rekordları ilə arxada qoyan Foqtsun iddiasına da qiymət vermək olar.

Almaniyalıya qədər qatıldığı 7 seçmə mərhələnin 6-da sonuncu olan millimiz ardıcıl 3 tsikldir axırıncı olmağı unudub. 2 dəfə yığmamıza 5-cilik yaşadan və bununla, rekordu təkrarlayan mütəxəssis DÇ-2014-ün seçmə mərhələsində yeni tarix yazdı. Komandamız tarixində ilk dəfə 2 komandanı qabaqlayıb 4-cü oldu.

1 seçmə mərhələdə 2 qələbə qazanmaq, 10 qol vurmaq, cəmi 11 top buraxmaq, tsikldə 3 dəfə uduzmaq kimi nəticələr orta Avropa yığması üçün bərbad nəticə də sayıla bilər. Amma dünənə qədər 0:10, 0:8 kimi nəticələri ilə azarkeşlərinə xəcalət verən, qələbəsiz seçmə mərhələləri olan, 20-dən az qol buraxmayıb, ən azı 6 dəfə uduzan yığmamız Foqtsla birlikdə görmədiyi günlərə düşüb.

Foqts millinin tarixində futbolçularla ədavəti olmayan yeganə baş məşqçidir. Həmişə ən güclüləri milliyə çağıran almaniyalının nə vaxtsa hansısa layiq olan oyunçunu kənarda qoyduğunu xatırlamaq çətindir. Əgər belə hal olubsa da, artıq növbəti matçlarda diqqətindən yayınmasının yanlışlığını aradan qaldırıb.

FİFA reytinqinin ikinci “yüzlüy”ündə var-gəl edən, nadir hallarda yuxarı qalxıb, yenidən enən yığmamız üçün artıq 100-cü pillə də uğursuzluq kimi qəbul olunur. Bu da elə Foqtsun əməyidir. 6 il əvvəl planetin 117-ci komandasının “sükanı arxası”na keçən mütəxəssisin yetirmələri indi 95-ci yerdədir. 6 ildə 22 pilləlik inkişaf müşahidə olunub. Hətta 88-ci yerdə də olan yığmamız rekorda imza atıb.

Ümumiyyətlə, komandamızı 6 ildə 64 oyuna çıxaran Foqts 14 qələbənin və 21 heç-heçənin şahidi olub. 53 qol vurub 88-ni buraxan millimiz almaniyalının rəhbərliyi altında irili-xırdalı xeyli rekord müəyyənləşdirib. Bunların arasında ardıcıl qol vurulan oyunlar rekordu da var, başqa seriyalar da. Böyük hesablı qələbələrin sayında da artım nəzərəçarpacaq dərəcədədir. Bütün bunlar da Foqtsun qalmasını gözlənilən edirdi.
Onlayn Tanışlıq: 242 / 104