canim.az
10 ildir sizinlə nəfəs alırıq.
DOMINO 101 oyunu (yeni)
Canlı Duraka oyunu (21 nefer)
Ana sehife |
Sayta Daxil Olun!
İstifadeçi Adı ve ya ID:

Şifre:

Meni xatırla | Qeydiyyatdan keç
facebook
Şifreni unutdun?
Gündelikler | Toxun acdan xəbəri varmı? – MARAQLIFAKTLAR
Toxun acdan xəbəri olmaz. Niyə olmaz ki?.. Çox yaxşı xəbərləri var, lakin onlar başlarını yoxsullara qatsalar, milyonlarla dolları necə qazanarlar? Biz yoxsullarda qəribə bir nağıl sentimentalizmi var. Filankəsin milyardlarla pulu var, kötükcələrinə də artıqlaması ilə çatar, bəs niyə bu adamlar kasıb-kusuba əl tutmurlar? Molla Nəsrəddin lətifələrindən birində mollanın qonşusu onun evinə gələrək deyir: - Molla, eşitmişəm, səndə 40 illik çaxır var, bu
axşam çox mötəbər qonaqlarım olacaq. Qonşu qonşuya nə gündə lazımdır?.. Müdrik qoca bu təvəqqeni təmkinlə rədd edir: - Xətrin xoşdu, qonşu, amma bağışla, verə bilmərəm. Mən bu çaxırı hər istəyənə versəydim, o, heç 40 illik olardımı?.. Yoxsulların varlılara nə üçün paxıllıq etməsinin səbəbini anlamaq çətin deyil. Lakin varlıların varlılara niyə paxıllıq etdiyini başa düşmək üçün ən azı... varlı olmaq lazımdır. VARLILAR DA AĞLAYIRLAR Britaniya mətbuatı yazır ki, Səudiyyə şahzadəsi əl-Valid "Forbes” jurnalı onun sərvətini düşündüyündən 7 milyard dollar az göstərəndə, hirsindən zar-zar ağlayıb. Şahzadənin adının çəkilməsini istəməyən işçilərindən biri deyib ki, əl-Valid əksər Səudiyyə şahzadələri kimi "Forbes” jurnalının zənginlər siyahısında olmağı az qala həyatının mənası hesab edir. 2006-cı ildə "Forbes” jurnalının əməkdaşı əl-Valid haqqında məqaləsində yazmışdı ki, şahzadə özünün iddia etdiyindən 7 milyard dollar "yoxsuldur”. Əl-Valid jurnalistə zəng etmiş və az qala ağlaya-ağlaya soruşmuşdu: "Sən nə istəyirsən? Nə istəyirsənsə, mənim İsveçrədəki bankirimdən ala bilərsən…” Britaniya qəzetləri yazırlar ki, Səudiyyə Ərəbistanında 44 əsas şahzadə var və onlar imkanları olsa, bir-birlərinin boğazlarını gəmirərlər. Elə əl-Validin şəxsi Boinq-747 təyyarəsi var. O, təyyarənin göyərtəsində özü üçün taxt da düzəltdirib və uçuş zamanı həmin taxtda oturur. Yaxşı başa düşür ki, yer üzündə, yəni Səudiyyədə taxt üstündə oturmağa bir adamın hüququ çatır… Lakin şahzadə əl-Valid elə yer üzündə də kasıb oğlan deyil. Onun "əsas sarayı” 420 otaqdan ibarətdir. Şəxsi zooparkı, 700 milyon dollarlıq cəvahiratı var. Təkcə ötən il onun varidatı 2 milyard dollar artıb. Lakin göründüyü kimi o, həmin 420 otağın heç birində rahat yata bilmir. "Mən heç vaxt pul üçün candan keçməmişəm. Pul heç vaxt mənim məqsədim olmayıb, nəticəm olub” – deyir Britaniyanın ən böyük banklarından biri "Barclays” bankın icraçı direktoru Bob Daymond. Yeri, gəlmişkən "diamond” brilyant deməkdir. Bununla belə, varlıların daha çox varlanmaq ehtirası sönməlk bilmir. DOYMAQ HİSSİNİN ÖLÜMÜ Rus mənşəli Britaniya iqtisadiyyat tarixçiləri Robert və Edvard Skidelskilər özlərinin son və yarımçıq qalmış "Nə qədər bəsdir?” kitabında yazırlar ki, kapitalizm nəfsin sonsuzluğa qədər genişlənməsi deməkdir və elə buna görə də kapitalizmi heç yerdə sevmirlər. "Kapitalizm insanlara sərvət qazanmaq imkanı verir, lakin onları təbii bir instinkdən məhrum edir” – deyilir bu kitabda. Bu, doyumluq, kafilik hissidir. Varlanmaqda olan insan ilk növbətə bu hissləri itirir. Skidelskilər yazırlar ki, ABŞ, Britaniya və
İtaliya insanların ən uzun saatlar ərzində işlədiyi üç əsas ölkədir. Lakin statistika onu da göstərir ki, bu ölkələr həm də sosial bərabərsizlik sahəsində birincidirlər. Bir il əvvəl İngiltərə bankının icraçı direktoru anti-qlobalistlər qarşısında çıxışı zamanı etiraf etmişdi ki, cəmiyyətin bütün problemləri insanlar arasındakı maddi bərabərsizlikdən doğur. Bunu dünyanın ən qüdrətli bankirlərindən biri demişdi. Mərhum Roma Papası İoan 2-ci Pavel də elə bunu deyirdi. Demək olar ki, bütün dinlər paxıllığı ən böyük günahlardan biri hesab edir. Keçmiş Roma papası bu günahı doğuran aşırı varlanmanı günah elan etmişdi. Vatikanın yeni hökmdarı – Papa Frensis də eyni məramı elan edib . O deyib ki, azad bazar kapitalizmi pul tiraniyası yaradıb və indi adamlara sərvətlərinə görə qiymət verilir. "Pul insanlara xidmət etməldir, - deyir Roma papası, - onlara hökm etməli deyil”. Xalqımızın müdrik kəlamları da paxıllığı qınayır: "Qonşunu iki inəkli istə ki, sənin də heç olmasa, bir inəyin olsun”. Lakin xalqımızın başqa bir kəlamında deyilir: "Qonşu qonşunun itmiş inəyini bayatı ilə axtarar…” Müdrikliyimiz pulun özü qədər ziddiyyətlidir.
Onlayn Tanışlıq: 216 / 83