canim.az
10 ildir sizinlə nəfəs alırıq.
DOMINO 101 oyunu (yeni)
Canlı Duraka oyunu (7 nefer)
Ana sehife |
Sayta Daxil Olun!
İstifadeçi Adı ve ya ID:

Şifre:

Meni xatırla | Qeydiyyatdan keç
facebook
Şifreni unutdun?
Gündelikler | Lotu Qulu legebiyle tanin
Bakıdakı 8 saylı Cəzaçəkmə Müəssisəsində saxlanılan “Lotu Quli” ləqəbi ilə tanınan Nadir Səlifovun kriminal avtoritetlərin qəzəbinə tuş gəlməsi barədə növbəti məlumat yayılıb. Bu məlumatlara görə, kriminal aləmdə “Lotu Quli”nin qələmi artıq sındırılıb, onun qətlinə fərman verilib. bir məktub əsasında xəbər yayıb. Məktubu göndərən şəxs iddia edir ki, iki avtoritetin bu məsələ ilə bağlı söhbətinin şahidi olub.

Məktubun tam mətni belədir:
“Ötən gün təsadüfən Podmoskovyedə nüfuzu olan iki kriminal avtoritetin söhbətinin şahidi oldum. Onlardan biri Gəncədən olan ”Qaqaş" ləqəbli kriminal avtoritetdir ki, yaxınlarda tacqoyma mərasimi keçiriləcək. “Qaqaş” “Lotu Mamed” ləqəbli avtoritetin yaxın dostudur.
İki avtoritet “Lotu Mamed”in tapşırığı ilə “Lotu Quli”ni aradan götürmək barədə müzakirə aparırdı. Həmçinin “Lotu Quli”nin yaxın adamı Emini də öldürmək barədə danışıblar. Kriminal aləmdə çox gərgin dövr başlayır. Bunu dərc edə və ya aidiyyəti orqanlara çatdıra bilərsiniz, məlumat dəqiqdir". Bu məktub dünən çıxan bəzi qəzetlərdə artıq dərc olunub.
Əslində adıçəkilən kriminal avtoritetin aradan götürülməsi ilə bağlı xəbərlər çoxdan mətbuat səhifələrində dolaşır. Dünən bunu bizimlə söhbətində “Lotu Quli”nin vəkili Təranə Əliyeva da təsdiq etdi. Təranə xanımın dediyinə görə, artıq 4 ildən çoxdur ki bu tip söhbətlər gəzir: “Amma mən əminəm ki, müdafiə etdiyim şəxsin təhlükəsizliyi çox ciddi qorunur”.
Bəs “Lotu Quli”nin ölümünü sifariş verməkdə kim maraqlı ola bilər?
Vəkil qətiyyətlə bildirdi ki, bu məsələdə hakimiyyət tərəfini günahlandırmaq və ya onlardan şübhələnmək olmaz: “Çox böyük ehtimalla, bu, kriminal qrupların işidir. Və əgər belə təhlükə varsa, məhz bu istiqamətdən gələ bilər”.
Yayılan xəbərdə başqa bir azərbaycanlı avtoritet “Masallı Mamed” də hallanır. Amma Təranə xanım bu məqama şərh vermək istəmədi: “Ola bilər ki, belə bir təhlükə olsun. Amma mən Nadir Səlifovun vəkiliyəm. Onun müdafiəmdən kənar fəaliyyəti ilə maraqlanmamışam”.
Dünən yazıda adı çəkilən məşhur avtoritet “Masallı Mamed”in tanışlarından biri ilə əlaqə saxladıq. Adının çəkilməsini istəməyən həmin şəxsin dediyinə görə, artıq neçənci dəfədir ki “Masallı Mamed”in adı belə hadisələrdə hallanır: “”Mamed indi həbsxanadadır. Və Allah qoysa, gələn ay bayıra çıxmalıdır. Onun adının “Lotu Quli” ilə bağlı hallandırılması tamamilə cəfəngiyatdır".
Onlayn Tanışlıq: 144 / 52